باسم يوسف يدافع عن محمد صلاح بهذه الكلمات...كان زمانه اتدبح
قام الإعلامي الساخر " باسم يوسف " ، بدفاع عن نجم منتخب مصر و لاعب ليفربول ، " محمد صلاح " ، فيما يتعرض له من هجوم شديد بسبب تأخره وعدم قيامه في التعبير عن رفضه التام عما يحدث في قطاع غزة من أعتداءات للإحتلال الإسرائيلي علي الفلسطنيين .
إقرأ أيضاً
باسم يوسف يدافع عن محمد صلاح
- باسم يوسف قال في موقفه الدفاعي عن محمد صلاح :
" أنتم مش عارفين الدنيا في العالم بره كانت مشحونة قد إيه ، صورة تانية خالص مختلفة غير اللي واصلة للعالم العربي.. و الرواية المتصدرة و كانت مرعبة ، وكان من المستحيل الدفاع عنها تحت أي مسمى ، لدرجة أن مجرد التعاطف مع المدنيين دة في حد ذاته تساوي أنك موافق على دبح الأطفال " .
- أضاف أيضاً :
" محمد صلاح لو كان طلع ، وقال الرسالة غير اللي في الفيديو اللي مش عاجب ده كان زمانه اندبح .. طب اشمعنى أنت بقي يا باسم عملت كده ؟ ، والله دي مخاطرتي وده قراري ، وأنا مش عارف ظروف الناس.. وكتير أوي كان بيعدى عليا أوقات وسكت عشان الظروف القوية ، اللي بيمر بظروف صعبة بيقدر ، بس اللي بيتفرج من بعيد سهل يزايد " .
- وأكد ان مقارنة فيديو محمدصلاح باللقاء الخاص به هو ظلم كبير ، لأن الكلام مش شغلة صلاح وأيضاً لأن طلاقة اللغة مش شغلة صلاح ، لا صلاح هيعرف يتكلم ويحاور زي باسم ولا باسم هيقدر يلعب كورة زي صلاح .
- وأكد باسم ان صلاح بالاداء الوحش أو المخطوف زي ما ناس وصفته ، ده عمل ملايين التفاعلات والمشاهدات ، وكون أن الكلام مايع مفيش فيه إدانة واضحة وان محمد صلاح مسك العصاية من النص وقصف الجبهات دة مش دور صلاح خالص ، وأصلًا دة فيديو غير موجه لينا وقال يوسف :
" رُبَّ فيديو بسيط من غير عياط ومن غير نرفزة ومن غير شتيمة ومن غير اي إدانات وشجب وعياط لكن يوصل بره ويغير صوت واحد ده أبرك بكتير "
- واستكمل حديثه :
واحد زي محمد صلاح ، يعتبر ملهم لأجيال كتيرة و هو قصة كفاح غير مسبوقة ، و راجل بيتبرع في السر أكتر من العلن و كمان فاتح بيوت أنا وأنتم مش عارفين عددها ، واحد زي ده ليه نخسره ؟ عشان بس ما شفاش غليلك في قضية بقالها ييجي ميت سنة ، أ كبر الأنظمة وأكبر الدول فشلوا فيها ؟ عشان أتأخر ؟ يا سيدي المهم أنه وصل ، مش قوي بما فيه الكفاية ؟ آه دة بالنسبة لك ، لكن بالنسبة لناس كتيرة كان قوي قوي قوي دي ممكن يكون كان أول مرة يسمعوا فيها عن القضي ة، والدنيا بره مختلفة و غير خالص الوطن العربي عندنا ، بس ده له بوست لوحده .
