اتخنت مرة واحدة في حياتي...الفنانة لقاء الخميسي وتصريحات خاصة و جريئة

قامت الفنانة لقاء الخميسي بالحديث عن قيامها بالتعرض للخيانة مرة واحدة في حياتها اثناء علاقة عاطفية سابقة لها قبل قيامها بالارتباط بحارس المرمى المشهور محمد عبد المنصف .

تصريحات لقاء الخميسي عن تعرضها للخيانة

صرحت الفنانة لقاء الخميسي في حوار لها :

"أنا اتخنت مرة واحدة بس ، من واحد كنت أعرف إنه عارف بنات كتير، ولما عرفت انه خاني سيبته ، أنا مش بواجه خالص ، مش همشي من العلاقة وأنا مريحاه ، مش لسه هقول هو عمل إيه ، هو يقعد مع نفسه يفرك يشوف هو عمل إيه ، وأنا بختفي تماماً ، وبيبقى الحد ده نفسه يعرف إيه الحصل ، عاقب انت نفسك واقعد فكر "

وتابعت حديثها :

وعلى مدار حياتي أنا متخانتش من أصدقاء كتير ، لإني بأخد بالي كويس جداً أنا بصاحب مين عشان بخاف أوي ، وفيه ناس كتير ضربتني من تحت الحزام بس هما مش مهمين خالص في حياتي ، وبرضو في ناس كمان مهمين عملوا معايا كده وزعلت و اتأثرت اوي ومكنتش مصدقة ، ومردتش على اي أهانة اتقالتلي ومعاتبتش لإني عارفة من جوايا إني كبيرة ، ولو حد عايز حاجة ييجي يقولي لكن مش يأذنيني في مشاعري ، تعالي وقوليلي سيبيلي الدور ده ونقعد ونتناقش ، لكن هتروح وتلف من ورايا مش عايزة أعرفك تاني .

وأضافت أيضاً :

ده حصل معايا كتير جداً ، بس أنا بقيت بتسامح دلوقتي ، ولما حد بيأذيني وأنا أجي أسامحه ده هيوجعه أكتر وضميره هيأنبه جدا ، وبرجع أبارك للشخص ده ، وهو عارف إنه أذاني ، يبقى كدة هو اللي ضميره هيتأنب .

وتحدثت الفنانة لقاء عن علاقاتها قبل الزواج ، قالت :

قبل ما أتجوز ، الحاجة اللي كانت بتجذبني لأي راجل ، إنه يكون عنده صفة من صفات أبويا ، وده مش فالاغلب بيبقى حلو لإنها مش بتتحسب كده خالص ، وطبعاً أخدت فوق دماغي كتير ، كنت بدور على حاجة شبه الراجل ده وبدور على بابايا جواهم ، لحد ما ربنا هداني وعرفت محمد .

“بتمنى إن السينما ترجع زي الأول” لقاء الخميسي وسبب رفضها العمل بالسينما

قامت الفنانة الجميلة لقاء الخميسي ، بالحديث عن السبب الحقيقي من ابتعادها عن العمل في السينما، في الفترة الماضية ، وذلك بعد تقديمها أخر أعمالها الفنية فيلم “حاحا وتفاحة” عام 2006 ، وأكدت أنه ليس من الضروري أن يقدم الفن دائماً قضايا لمعالجتها .

وردت الفنانة :

“مش مهم ولا ضروري إننا طول الوقت نقدم قضايا ، و مشاكل علشان نكون بنعمل فن ، وده علشان أي حاجة فحياتنا بتحصل من ساعة ما أقوم من النوم أنا بعتبرها رسالة ليا ولغيري ، و المسرح بالنسبة ليا الحياة، ولو الجمهور عايز ياخدها رسالة ماشي تمام أوي” .

إقرأ أيضاً: أنا إنسان قبل ما أكون فنان... أول رد من فادي خفاجة بعد إثارة الجدل