«أسرع قصة حب» شيري عادل وتصريحات خاصة عن زواجها من الفنان طارق صبري
حيث تصدر الفنان طارق صبري وزوجته الفنانة شيري عادل ، تريند محركات البحث علي جوجل ، وذلك بعد اللقاء الخاص بهما في برنامج «صاحبة السعادة» ، للفنانة إسعاد يونس ، والذي يذاع على شاشة قنوات (dmc) ، وكشف الثنائي عن قصة الحب التي جمعتهم وبداية العلاقة والأرتباط.
إقرأ أيضاً
الثنائي" شيري عادل" و "طارق صبري"
فقد صرح الفنان طارق صبري خلال لقائه قائلآ :
«ضغطت على شيري عادل عشان توافق على الزواج ، وقالت لى أنا عايزة أعمل فرحى فى الصيف ، قولت لها نتجوز وبعد كدة نعمل الفرح » .
وذكرت الفنانة شيري عادل عيوب زوجها الفنان طارق صبري قائلة:«
«معنديش مشكلة معاه بأستثناء صوته عالي جدا عشان هو بيحب المسرح ، والناس بتفتكرنا بنتخانق لما بيتكلم » .
قصة حب شيري عادل وطارق صبري
كشف الثنائي عن (قصة الحب) التي جمعتهم
وبدأ "طارق صبري" يروي تفاصيل قصة حبه بـ "شيري عادل" من بداية التعارف ، قائلا:
«أحنا أشتغلنا بنات سوبر مان من 2016 ، كنا زمايل خالص بس و مكنش فيه علاقة عاطفية ، وبقينا أصحاب وبنسأل على بعض كل فترة وكان عندي شوية إعجاب تجاه شيري » .
وتابع حديثه :
« كنت بحاول أسأل عليها كل فترة وتعالي نتقابل وكانت بتحلقلي كانت دايمآ بتيجي على بالي ومتقبلناش غير مرة في أجتماع عند أشرف عبد الباقي ، ومرة قولتلها تعالي نتقابل قالتي أنا قاعدة جنب القط بتاعي فعرفت أنها بتحلقلي ».
و أضافت الفنانة شيري عادل:
«أنا عندي القط بتاعي كان تعبان جدآ وكنت قاعدة جنبه عشان علاجه ، فبقوله فعلآ أني مش هقدر أنزل ، بعدها بـ 3 أسابيع كان معروض عليا مسلسل حلو أوي وبعدها جتلي سفرية مفاجأة وكلمتهم وعرفتهم » .
أبرز تصريحات شيري عادل في لقاء صاحبة السعادة
- معنديش مشكلة مع طارق بأستثناء صوته عالي جدًا عشان هو بيحب المسرح .
- الناس بتفكرنا بنتخانق لما بيتكلم .
- كفاية 10 ملايات و 10 فوط في البيت ولسه مجبتش غسالة أطباق و لا بوتجاز .
- طارق قالي لو جبتي البوتجاز لازم تطبخي .
- بعد ما قربنا من بعض بدأ يبان إن في حاجة بينا واتفقنا إننا نتجوز .
- أتفقت مع طارق على الزواج وكل الأصدقاء كانوا سعداء .
- صحابنا كانوا بيسألونا عن تسرعنا في قرار الزواج .
- بعد الجواز أنا اتغيرت للأحسن .
- نفسي أعمل فرح على البحر .
- اعتذرت عن مقابلته بسبب مرض القط بتاعي .
أبرز تصريحات طارق صبري
- ضغطت عليها عشان توافق على الزواج.. وقالت لي أنا عايزه أعمل فرحي في الصيف.
- قولت ليها نتجوز وبعد كده نعمل فرح.
- بقينا فجأة في حياة بعض.. واتعودت على وجودها في كل مكان حتى مكان شغلي.
- في البداية محدش عرف عن علاقتنا غير الأسرتين..
- ـالأحسن إن العلاقات تتبني في هدوء .
- كل حاجة عليا ومفيش حاجة على ذوقي بروح أدفع بس.
- فجأة دخلنا حياة بعض وبقينا لازم نتقابل ونتكلم كل يوم.. وبدأت قصة حب بيننا .
- الحاجات العادية في اليوم من غير شيري مش مظبوطة ولازم تبقى موجودة.
- عمر ما اتنين هيعرفوا بعض قبل الجواز زي بعد الجواز.
